اعذرونا احنا مشغولين

حوار بين الفلسطينين وباقي المسلمين احنا ندري انهم في بالنا وهذا اكثر شي نسويه
منقوله للفائدة

اسامحونا اشقائنا الفلسطينين .. مانسيناكم لكن احنا مشغولين ..

نحس انكم علينا زعلانين .. وعلى خاطركم منا ماخذين ..

لاتحسبونا لقضيتكم ناسين .. والله في القلب قضيتكم لكن احنا مشغولين ..

وبالله بشو مشغولين .. ياخوانا هاي مش قضيتنا نحن بس ..هاي قضية كل المسلمين ..



ندري انها قضيتنا كلنا اجمعين .. لكن احنا مشغولين .. في الصباح نترزق وورا الفلوس راكضين ..

وفي سوق الاسهم .. مستثمرين ومضاربين ..

تترزقوا في الصباح .. ايه وشو عندكو بعدين ؟؟

وبعدها وقت العصرية .. وفيه مسلسل مدبلج حنا له متابعين .. اليوم الحلقة الثلاث الاف وسبعين ..

اييه مسلسل مدبلج له متابعين .. طيب وبعدها شو عنكم يااخواننا الطيبين ؟؟


وبعدها تبدا امسياتنا . من مطاعم لاسواق لمقاهي .. رايحين جايين ..

ايييه حقكم .. نفسكم عليكم لها حق .. وبعدين ..

وبعدها على فراشنا الوثير نايمين ..بعد عشاء دسم نمنا متخومين ..

طيب نحنا بس نخاف عليكم من ضميركم تكونوا متعذبين ..

لا من هالناحية .. احنا مرتاحين .. تبرعنا رمضان قبل الماضي بريالين ..


طيب على الظلم والتعدي .. مابنشوفكم ثائرين غضبانين ..

لا كله الا الظلم والتعدي .. ماشفتونا يوم ظلم الحكم في المبارة المحلية ..وماحسبها تسلل..كنا عليه ثائرين ..

وبكل وسائل اللسان واليد والقلم .. كنا له مستنكرين رادعين ..

كله الا الظلم .. ماحنا له ساكتين ..

طيب بتابعوا اخبارنا على الاقل تعرفوا عايشين ولا استشهدنا وكلنا في عداد المتوفين..

بالصدفة نشوف لكم بعض الصور والاخبار .. لمن نكون كعادتنا قدام التلفزيون متسمرين ..

لكن بسرعة البرق عن طريق الريموت لقناة الاخبار مغيرين .. مانبي نخرب المزاج .. وبشوفة المآسي نكون حزينين..

ومالنا لاحول ولا قوة .. وفي القلب انتم .. لكن شوفة عينكم احنا شوي مشغولين ..

ياليت تسامحونا .. ولنا تكون عاذرين ..

مسموحين .. يااشقائنا الله بيعين..

وكمان اذا فضينا شوي بعد رمي الحجارة على الصهيونين ..واسعاف المصابين .. يمكن نجي عندكم نساعدكم شوي يامشغولين ..

والله ونكون لكم شاكرين .. فعلاً نحتاج لمشاغلنا معاونين .. ياناس ياعالم احنا مرة مشغولين ..

مشكورين ع مروركم وانا ادري انا مااقصد خذو السلاح والعيال ورحو ضاربو ادري انه مستحيل وخلونا واقعين في اوقات بننساهم حتى من الدعاء في جوف الليل اقلها المسانده المعنويه والاهتمام بكل جديد والله في ناس ولايدرو عنهم ولايحبو يدرو عنهم وانشالله انتو مو منهم بس اذكركم ان الذكرى تنفع المؤمنين وتقبلووووو تحياااتي واحترامى

تسلمي لحن الغرام على النقل الرائع

خصوصا احنا في وقت الكثير انشغل

حتى عن اقرب الناس له ، زمن الله

المستعان .

تميزتي ولكي كل الشكر.