تعالوا شوفوا الشباب عند الاشاره ههههههههه

النوع رقم 1

متنح

هذا النوع إذا وقف تلقاه يدخل جو ويقعد يتخيل ويناظر بالدركسون ويندمج

حتى اذا فتحت الإشاره يبيله ساعه علشان يفك من التتنيحه ويمشي

تكون الإشاره وقتها طفت فـ يضطر انه يدخل جو مره ثانيه

النوع رقم 2

وجه المرايا

هذا طال عمركم إذا وقف مغير يناظر وجهه بالمرايا شوي ويدخل فيها يا أنه يمسح الغمص

ولا أنه يعدل الشخصيه ولا يمشط شعره وغالبا يكون موجه المرايا على وجهه ومخلي القرعه

ترعى

النوع رقم 3

حك الدماغ

طبعاً هذا النوع هو الأكثر شيوعاً بين طبقات المجتمع بغض النظر عن كون الشخص

راعي موتر مترف او موتر سكراب

تلقاه مشير صبعه السبابه في خشمه وقاعد ينقب عن النفط وفعلا تكون

هناك امجاد واكتشافات عظيمه ,,, واذا انتهت العمليه مسح صبعه بالكرسي وانطلق

النوع رقم 4

Look At Me

هذا نوع يموت ويشوف الناس تناظر فيه وعادة مايكون مرفع صوت المسجل على الآخر

وفاتح النافذه عالخفيف حتى لو أنه مشغل المكيف وحتى لو الناس صيف أهم شي

الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه ضغيره

بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك

ويضرب لك إشارات يمين يسار

النوع رقم 5

هواة السوبربان

هذا النوع تلقى راعي الـ جمس مركب عيال الحاره

كلهم وشاحن الموتر وإذا وقفوا عند الإشاره يشتغلون لك يمين يسار رقص وتشوف السياره تروح

يمين يسار كأن عليها هيدروليك ,,,

النوع رقم 6

والله مخاوي

هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال

ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل

فيه أحد ملاحظ أنه يكلم ولا لأ ؟

النوع رقم 7

داخل جو

هالنوع يجيك مقفل النوافذ ومشغل المكيف صيف وشتاء ومرفع صوت

المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه

مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل

النوع رقم 8

والله أشرب دخان

هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب

سيجاره عند كل إشاره لين مايوصل إلى وجهته المرتقبه ---> عاد تكفى الوجهه رايح القهوه

النوع رقم 9

بلوتوث

يتميز من يتصنف هذه النوعية بميزة البثاره , ماغير يسوي بحث عالبلوتوث ويرسل للي بجمبه

بالإشاره وعادة مايحاول يستظرف ويرسل لك رقمه مع أن النك نيم حقك وأضح أنه حق فاضي

بس الفاضي فاضي ياجماعه ماباليد حيله غير الدعوه بالشفاء ----> مياه الشفاء ولا الهدا ههههههههه

النوع رقم 10

بحث عن البنات

يميز الجيل الجديد من المراهقين و غيرهم بميزة جديده وهي الترقيم بطرق جديده يعني لو شاف بنات

بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي

مكتوب عليه السياره للبيع ورقم الجوال وحظك نصيبك تدق ولا ماتدق

مع أنه جالس يحتريها من الصبح

النوع رقم 11

لايمكن الإتصال به الآن

هذا النوع للمتزوجين والمواعدين فقط

تلقاه داخل عالم ثاني مع الي بجمبه وساحب على أبو الدنيا ومافيها , والله يحق له ماينلام

بس أحذركم لاتقعدون تطالعون فيه والله الي يحقد عليك ويحدك حدّه أليمه يصعدك الرصيف

النوع رقم 12

المطوع

هذا النوع أنا صراحة أحترمه مع أن الكثير يعتبرون أنه مسخره أو أنه إرهابي

هذا الله يسلمكم إذا شافك مطول عالمسجل ولا شي يضرب لك هرن ويسألك عن

مسجد ولا جامع علشان تتعظ وتعتبر ومرات يحاول يعطيك أرشطه دينيه الله يجزاهم

الف خير ويهدينا جميعاً

النوع رقم 13

ورع وصار رجل

هذا الي توه متعلم يسوق وتلقاه مستلج بالإشاره مرات يدعس بنزين والقير فاضي

ومرات يرقص السياره ومرات يتفنن في الرقص مع أنه بلحاله ,, نسأل الله العافيه

ــــــــــــــــــــــــــــــــــــــــــــــــــ ــــــــــــــــــــــــ

هذا وطال عمركم أنواع الشباب المليح في ربوع شوارع بلادنا

تحياتي لكم جميعا



ولكم تحياتي

AZoOoZ كتب:

ههههههههههههه عاشقه فضحتينا وجبتيها ع الجرح

انا صراحه في الاغلب اكووون من النوووع 7

بس لاتضحكوا علي اكوون طربااان ومخسي ام العالم هههههه

يعطيك الف عافيه على طرحك الجميل والمميز

تقبلي مروووري وتحياااتي لكـ

[color=blue]يعني طربان عزوز ياعيني عليك عايش جووووووو ههههههههه

كل الشكر لك على مرورك العطر

تشرفت بمرورك [/color]